اخدا كسرة

بفترة من الفترات، نزل الشاب اللبناني يبيع كعك وخضرة عالطريق لتوصيل فكرة معينة

برجع بقول بفترة ورجعوا الشباب كل واحد كمل حياتو عادة

في ثلاث اشخاص نسيو حالن

الشباب اللبناني  متواجدين ع تقاطع غاليري الاتحاد

معو كل الادوات المنزلية، انو الزلمي "وان دولار" بس انو متنقّل

مش حسد ولا ضيقة عين، بس يا خيي بيع بس مش باسم البائع اللبناني

لان في كتير بائع لبناني غيرك بيدفع بلدية، وكهرباء، ومولد، ومياه، وضرائب و..و..و

الفرق يلي بينك وبينو، انو هوي عندو محل المعتّر، وبحالتك انا المعتّر يلي صرلي ١٢ سنة بشوفك عالقليلة مرة كل يوم

بقرة في المدينة

اليوم انا ونازل عالشغل، كنت بالسيارة ،مش تارك مسبة مش قايلها من ورا العجقة والعالم وسواقتهم (متل العادة يعني

واذا ببقرة تفرح قلبي وتغيّر لي "المود" كلّو

كيف بقرة! ايه بقرة. بيضاء وسوداء. بقرة حقيقية يعني

في منطقة الدكوانة، قرب افران يمين (مش دعاية)، عأول جسر الدكوانة-الأشرفية في شي عشرة امتار مربعين خضر واذ 

ببقرة ترعو

مين هيدي البقرة، بنت مين، شو جابها لهون، ما حدا بيعرف

بس صوّرتها وفلّيت، صرت فكّر، انو قديش حالتي شي تك تك شي تيعة من البشر لهالقدّ انبستط ببقرة عالاتوستراد

بتمنى تكونو شفتوها وتكون بقرة غيّرتلكم المود

لما يتغير عليكم شي

صباح العجقة

لكل انسان نازل عـ شغلو ومتفائل انو اليوم الطريق فاضية

واسفاه كانت المفاجأة، عجقة اكتر من النهار العادي

ليش

لانو الشاحنة التي كانت  تنقل الوقود راقضة عـجنبها والوقود عالطريق

انو الشوفور كان مستعجل وقال انو هيك هيك الطريق فاضية ليش ما بعمل نقلتين بدلا من واحد

وها هو يزرب مئات المواطنين المعترين يلي نازلين عشغلهم بنهار عطلة

الهدف: لما يتغير عليكم شي، ولما تقولو شو حلوة الطريق بلا عجقة. يلي بغير عادته بتقل سعادته، وعلى قد ما بنحبكم سعداء عجقنا السير

ولكل شوفور كميون، هيدا كميون وليهههه! منو متشبوكس 

الحرب الاعلامية

بعد اكثر من اسبوع على اعلان فريق توم اكسترا عن الاحتفال لاطلاق كتابهم السنوي الاول، ضمن اعلان جاء فيه

يسرّ أعضاء فريق توم إكسترا دعوتكم إلى حفل توقيع كتابهم الأوّل:
توم إكسترا الموسم الأوّل

وذلك نهار الخميس 1 كانون الأوّل 2011
إبتداءً من الساعة 7،30 مساءً
في «مترو مدينة»، بناية السارولا، جنب «دانكين دوناتس»، طابق -2، الحمرا

 وقد صعقنا باعلان علكة كلورتس عن اطلاق علكتها الجديدة تزامنا مع وقع الاحتفال لتوم اكسترا

يا للعيب والانحطاط الاعلامي، ودعما منا، اننا نطلب من جمهورنا الغفير ملاقاتنا في الواحد من دسمبر في منطقة الحمرا

وكان الله ناصرا لنا 

هيدا هوي اليوم

هيدا هوي النهار

١١-١١-١١

هيدا النهار يلي رح يكتر في كل شي

يلي مأخّر عرسو ليتجوّز اليوم

يلي مغروم وناطر اليوم ليخطب

يلي مريض وناطر اليوم ليموت

واهم من هيك يلي يرتو حبلة وناطر اليوم ليفوّتها "سيزاريان"، يعني ولو بدا تولّد بالسابع بس حلو ١١-١١-١١ ع تذكرة الولد

وبالنسبة للمخاتير هيدا نهار لقطة

الف مبروك للجميع

حداد عـ "زيكس ادوناسكس

تعلن قناة الاخبار شي تكتك شي تيعة ان غداً يوم حداد على روح المرحوم "زيكس ادوناسكس

نبذة عن حياة زيكس

زيكس هو الكائن الفضائي على كوكب عطارد

زيكس  كان موجودا في فترة من الفترات

زيكس لونه اخضر

ويتكلم لغة فضائيّة

رحمه الله واسكنه فسيح جناته

الواحد بدّو يتقدّم

كول وليههههه

وها هو احد المطاعم في السعودية، يفرض الضرائب على كل من لا تأكل كامل طعامه

لازم الكل يعملو هيك، وجملة "نزّل شو في عندك" مش لازم تستعمل في المطاعم

بعنيكم ع هيل قرار والاخلى انو الغرامة بتروح للجمعيات الخيرية

رحم الله المناضل ستيف جوبز

بعد ٦ سنوات من المناضلة ومحاولة التغلب على المرض، توفي الاخ ستيف جوبز

ستيف جوبز هو من الاناس الذين دخلوا التاريخ من بابه العريض، وعطائه كان نحو تطوير العالم، ليس تجاه ابل فحسب بل حثّ جميع منافسيه للعمل جاهدين في مجال التطور للبقاء قريبين من اختراعاته

رحم الله ستيف، وبالمناسبة قررت شخصيا كديزينر يستعمل الماك يوميا، والقرار يقضي بالحداد ثلاثة ايام وذلك باطفاء الكمبيوتر وعدم اعادة تشغيله الى نهار الاثنين الواقع في ٢٠١١/١٠/١٠ 

وشكراً

يا عيب الشوم

بالاول شفت الدعاية عالطريق، قلت يا عيب الشوم شو هالدعاية والـ سلوغان الكريياتيف (الابداع يعني) بس الصدمة الاكبر كانت لما سمعت الدعاية عالراديو اليوم

عاملة باستا بلا ماشروم، يا عيب الشوم

ولك كيف الكم عين تنزلو بهيك دعاية، حرام المواطن البريئ يشوف هيك دعاية

وليه مينك انت

ان اسرة شي تك تك شي تيعة المألفة من كل من معدّي و كاتبي وقارئي و مش قارئي بلوغ شي تك تك شي تيعة، تستنكر وبشدّة جريمة الاعدام و تنعي الشهيد تروي دايفيس

وليه انت مين، منزل من عند الله

بغضّ  النظر اذا الانسان مجرم او لأ، مش من حق انسان تاني ينهيلو حياتو. عاقبو ايه، بس ما تقتلو

انتو يلي عم بتحاربو شعوب العالم باسم حقوق الانسان، وين راحت حقوق تروي دايفيس

ضاع القذافي

بعدما رأت وكالة الانباء شي تك تك شي تيعة ان الثوار اليبيون قد اضاعو القذافي، و ها هم يعرضون مليون دولار لمن يسلّمه، اخذ الخوف يدّب فينا

ليش؟

لانو ال س ن ن عرضت صورة لطرابلس اللبنانية قائلة انه معقل القذافي

طيّب مثلا اذا اميركا صدّقت وكالة الانباء الـ س ن ن وبلشو قصف فينا، شو زنبها اللحم بعجين الطرابلسية حدا يفسرلي

وهنيئا للـ س ن ن بجهلها وبامكاننا ان نعطيها "فرانشايز" شي تك تك شي تيعة

استملحناه بس هرب

يعني ساعة بقولو مات، ساعة لقطناه، ساعة ما لقطناها

وهلا تحت الاقامة الجبرية و فجأة طلع يحكي عالتلفزيون

يعني للصراحة ضعنا

بيان بمناسبة التظاهرات في لندن

اعلنت حركة شباب الكوع عن دعمعها للشعب الانكليزي ولفكتوريا بكهام بالاخص.

وجاء في البيان:
ومن هنا من ارض النضال، ارض التظاهرات ع شو ما كان، نعلن دعمنا للشعوب الانكليزية.
ولكن يا ايها الشعب الغاضب، مش هيك بيتظاهرو، عيب. نحن شعوب العالم التالت مش انتو.
سكّرو طرقات، كسرو، ولّعو دواليب بس ليش النهب، ليش سرقة رزق الغير.
ولو نحنا استحينا نعمل هيك.

واخيرا، نعلن انه ورغم الوضع الكائن عندكم، كل شبابنا من حاملي الشهادات الجامعية، مستعدين لمساندتكم على الارض بحرق الدواليب. بس بدنا نعذبكم بهالـ الغرين كارد ما تصغرو.

وعشتم وعشنا ويعيش

موقف خاص

عادي

الشباب حاجزين الشارع الهم

انو ممنوع تصف عالطريق لانه موقف خاص

حدا حابب يعلّق

الموقف شي تك تك شي تيعة

البرغشة النجمة

انتو ومارقين عالطريق، فيكم دغري تلاحظو البرغشة النجمة يلي حتي الان عاملة دعايتين

الاولى دعاية شماس للزجاج والثانية دعاية فاب

انو ما لقيتولكم برغة ثانية او كيف

ولّا مدروسة، انو بنركّب زجاج واذا ظمطت البرغشة، هيي ذاتها بنكون حاطينلها فاب وهيك بتستشهد

الرجاء النظر الى الصور ادناه

وكل موسم وانتو بلا برغش

محيّر

يعني للصراحة، فتت عم بعمل اكاونت على غوغل بلاس

واذ بتفاجئ بسؤال عن الجنس؛ يرجى النظر الى الصور

انو اذا ترجمناها عالعربي بتصير: ذكر / انثى / وتالت وحدي شو معقول تصير، محيّر مثلا

شو هالانفتاح الغير مسبوق، تخايل فايت عالبروفايل عن احد الاشخاص والجنس تبعو "محيّر"، شو حلو

شكلو الوضع رايح صوب الـ شي تك تك شي تيعة

عطي خبزك للخباز

لو اكل نصفه

انو شو هالديزاينر القوي للماركة العالمية الـ دانكين دوناتس

مش ظابطة معو بـ ولا فيزوييل

الـ سو بلا عندو ايد ب ٦ اصابع

والـ بوستر مقطوشة ايدي، بعيد ع جميع القرّاء الكرمين

انو ولو، ما حدا انتبهلهم

للمساعدة في المرّة القادمة؛ شي تك تك شي تيعة تقدّم كل خدماتها، لالّا نضطرّ نكتب عنكم مرّة ثانية

وشكرا

تمثال الحرية

الرابع من تموز، ينعاد ع كل الشعب الاميركي بالعالم اجمع و ع كريستف كولومبس يلي عرفنا عليكم.
انشالله بتضل ايامكم فرح واستقلال. بس انو شو رايكم تخلو شعوب العالم تعيش هيي كمان هيك ايام.

وبالمناسبة، اعلن شهود عيان، انو تمثال الحرية زرف دمع في تمام الساعة 8 صباحا، متاثرا باليوم العظيم

Cheers

اه يا اباضاي

مشروب الطاقة ابو العبد، انّو يعني بلا رد بول بقا
بكرا بصير في ابو العبد اكستريم سبورتس، وسيارات فورمولا ابو العبد

تعو لنشوف مشروب الطاقة ابو العبد شو معقول يعمل فيكم:
- بتصير تنكّت نكت يا محلا ابو العبد ونكتو البايخة
- بتصير تكب الطربوش من ورا ظهرك وتجي لابسه
- المسبحة بتبرمها اي بتسبحها بثلاث ثواني
- راس الارغيلة بتشحترو وبتحرق سلّافو بـ عشر دقائق
- بتقلب لهجتك بيروتي ولو كنت من جرود بعلبك
وشو بدّي قلكم بعد، جربوه وانتو خبروني

بس كإسم لمشروب طاقة، شخصيا لقيتو شي تك تك شي تيعة

 

 

قطّاع الطرق

نايس اد

فعلا ان الدعاية من صنع امباكت ب ب د و وهدفها التوضيح ان جسر المشاة معمول لتقطعو عليه مش تحته

قطعة الطريق منّا تجغيل ولا حربقة، اذا انت غشيم وعبال تقطع الطريق، ما زنبو يبتلي فيك يلّي رح يقشّك

برافو اللدعاية ولازم كلكم تشوفوها

http://youtu.be/hOmbvsK-qF4

طبيعي او سيزاريان

الكل عم يترقّب، القلوب عم تخفق، جميع الصحافيين والمصورين عم يغزلو بقصر بعبدا.
الشعب كلو ناطر، الكل حاملين المحارم الورقية لمسح الدموع التي ستذرف لحظة اعلان الحكومة الجديدة.

مين قولكم الوزراء، قولكم حضّروا بذلاتهم البيض للصورة؟
البذلة البيضة منها مهمة، المهم تكون كفوفهم بيضا (وتضلّ) ويشتغلو بضمير.

بنتمنّى تكون الولادة سليمة لأنّو الحَبَلْ كان صعب وبتصوّر الشعب كلو حِبِلْ

انشالله كلكم بتنجحوا

اليوم وكما هي العادة في كل سنة، بدأت الامتحانات الرسمية واليوم بلشنا بالبروفيه

بعض النصائح التي ستساعد التلاميذ في امتحاناتهم:
- مش ضروري تنسخو الدروس بخط اليد، عملو فوتوكوبي على -30٪، وهيك فيكم تعملو الكتاب كلو
- اي قنينة مياه، مكتوب عليها درس الكيمياء: كالسيوم، ماغنيزيوم... ويلا ستفيدو
- اي علبة علكة كبيرة، مثلا سمينت، يمكن اعادة صنع الغلاف حيث سيتسع لاكبر عدد من الفورمولات
- لبسو شورت، وعليه من الداخل فيكم تكتبو شو ما بدكم
- اذا انتبهتو انو الاستاذ/ة بدخنو، جيبو معكم غروس من الصنف ذاته في اليوم التالي مرفقا بالكتاب كلو يلي عندم فيه فحص

ونتمنى من كل من له خبرة بالموضوع اعلاه، اضافة ما امكنه من معلومات وطرق، تساعد التلميذ المعتّر يلي ما صرلو وقت يتدرس

بالتوفيق، ونتمنى يكون التصحيح في ما بعد، مش شي تك تك شي تيعة

مبروك... بس فتحوا الطريق

رجعت الصيفية، ورجعوا الاعراس والزفة، والفرقاع والخ
يعني انا مش عم قلكم ما تتجوزوا وتنبسطوا
الله يهنيكم ونقشعلكم عرّ ولاد

بس الطلب الوحيد، غيرولي عادة التصوير عالطريق والكونفوايات، الطريق مش لا لامَك ولا لامِك. ويلي رايح شي مشوار، منوا مجبور يمشي وراكم ويعلق بعجقتكم

وانتي يا عروس، مينك انتي لتوقفي عالسيارة وتوزعي سلامات للعالم شمال ويمين وهني مش تاركينلك مسبي بسبب عجقتك

بتمنّى تكونو استوعبتو، والويك اند الجايي اعلق باقلّ عجقة وبلا اعراس شي تك تك شي تيعة

الطقس كيف

يعني صرلنا زمان ما كتبنالكم شي، انو ما في شي جديد لنلتّ عنو
بهيك حالة الطقس اظبط شي، انو بس ما تعرف شو بدك تحكي بتحكي عن الطقس

قولكم كيف رح يكون بهالويك اند، مشمس، مشمس الى غائم، قليل الغيوم...
كيف يعني مشمس الى غائم، يعني يا ريتكم ما نطقتوا، شو مشمس الى غائم

ومتل ما قالت ليلى عبد اللطيف رع تضل تشتي لاخر حزيران، رح تظبط معها يا ترا؟
انشالله لا، انو دافعين اجار الشاليه 11٫000$، بلا مؤاخذة شو 11،000$ شو عم تستاجر بهواي

ما رح مطّ والعي بقا، بكملكم المقال بس ما يكون عندي شي احكي
وشكراً

البقيّة بحياتكم

ان اسرة شي تك تك شي تيعة تتقدّم بالتعزية من عائلة واحبّاء الشهيد المناضل اسامة الذي قضى غدراً على يد الاميركان
و بنفس الوقت وتحت المقال ذاته تهنّأ العالم واميركا بالاخصّ على الانجاز العظيم.

القارئ: ولك، ما فيك تكتب انّك مع وضدّ بنفس المقال
الكاتب: مبلا يا اخي العزيز، بالنهاية نحنا ما فينا ناخد طرف بدّنا نرضي الكلّ، وبالاصل الموضوع اكبر من انو ناخد طرف في

الكاتب: بس يلي لفت انتباهي، هو تحذير الجالية الاجنبية من ردّة الفعل بالعالم اجمع
انو شو بيعملو الجماعة، بيزربوا حالهم، او بيتنقلوا لابسين دروع وطاسات، او مثلا بيتكلوا ع الله وبيمشوا.. طيّب بركي يلّي رح يستهدفهم هو كمان متكل ع الله

ينعاد على الجميع، جميع العاملين والعاطلين عن العمل

بعيّد كل شخص مفرّص وعم يقرا هيدا المقال عالـ لاب توب او ب ب او اي فون
بعيّد كل شخص عم يشتغل ليأمّن رفاهية الشخص المفرّص اي مثل موظفين المطاعم
بعيّد كل الاشخاص والنسوان بالاخصّ يلّي شغلهم قهوة ولألأة من قبل الضوّ لآخر الليل
واخيرا وليس اخرا بعيّد موظفين الدولة، يلّي اصلا هنّ وبالشغل مفرّصين (صبحية، تلفونات للاهل، فرصة الغداء وتضبضب الغراض تحضيراً للفلّة)

وكل عيد وانتو بالف خير

تطورات بحفل العرس الملكي

الكل في العالم ينتظر هذا النهار الحافل، انه يوم الزفاف الملكي.
هل سوف تمطر؟ كيف سيأتي المعازيم...

بعض الانباء السريّة، وهي باستبدال حصل بتنظيم الاحتفال، وصلت الى وكالة الانباء “شي تك تك شي تيعة” ونحن بدورنا سوف نتشاركها وإيّاكم كما هي:

- سوف يتمّ استبدال فرقة The Band of the Coldstream Guards بـ “نوبة المتين” لقوّة وجودة عزفهم
- الاستغناء عن The 1902 State Landau carriage، لعدم كسف المعلم نجيب الذي عرض خدمة بغله “رعد” لنقل العروسين
- واعلنت لجنة منسقي "شباب الكوع" انها ستطلق واحد وعشرين صاروخ اينرغا من العاصمة بيروت باتجاه المملكة المتحدة ابتهاجاً
- كما وانّ العروسين قررا ان الكوكتيل لم يعد في The garden at Clarence House بعد الان وانما سوف ينتقل المعازيم الى “جنينة التيتة جنفياف” في منطقة القرنة السودة للاحتفال. وبالمناسبة سوف يتم ذبح معزاية وخاروف احتفالا، والمعلاق سيقدّم للجميع.

و منّا للعروسين “انشالله بنأشعلكم قريباً” و”عقبال العايزين" للجميع

و ليليليليليليششششششش

تألوا بيضاتكم

كما وهي العادة، من حيث لا ندري، وفجأة، بيطلعلنا اعلانات ولا اروع على طرقاتنا

اليوم الوقفة مع دعاية هوا تشيكن
الجماعة بيضاتهم عم بطيروا، فيا عالم، اذا حبيتوا تشتروا بيض من هوا تشيكن بهالعيد، تقلوهم
وخاصة من بعد ما تتعذبوا وتلونوهم، تقلوهم، لعلّ طاروا
بعد عناء السلق والتزيين، يقوموا يطيروا
على قد منهم خفاف ونضاف، الوضع خطر. تقلوهم، ربطوهم بشي، ما تفتحوا الشبابيك اكتر من 2 سم، جيبوا حدا يراقبهم
يعني حبينا نلفت نظركم ونبهكم

وبلا اعلانات شي تك تك شي تيعة بقا

حريق في بلدة كفر خوخ

كما اعلمتنا الوكالة الوطنية لتقسي الحقائق او الاكاذيب، انه شبّ حريق هائل في مستودع في خراج بلدة كفر خوخ البقاعيّة.

BMW M-Zero و اربعة سيارات من نوع Audi A3 Sportsback مما ادّى الى احتراق سيارتين

وعند منتصف الليل، امتدّى الحريق الى البناية المجاورة مما ادي الى انفجار مستودع ذخيرة.

نحمد الله على ان الاضرار اقتصرت على الماديات ولا اضرار في النفوس.

يعني بالرزق ولا بصحابو... شغل ليلتين وبينجاب بدالن

نمرة حمرة

نحنا الشوفوريّة نحنا شرايين المدينة... لـ مرسيل خليفة

يا خيي مرسيل، من زمان كانو شرايين المدينة، بس هلّأ ما بقي ولا شريان غير ما سادينو

هيدا المقال لكل شوفور تاكسي بركي بحس ع دمو:
☜ يا خيّي، انت كل النهار عالطريق، بس غيرك بدو شي ويوصل؛ فيا زيح، يا همّا
☜ مش ضرورة كل واحد واقف ع طرف الطريق تشوفو 2000ل.ل. وتصير بدك تطلعو بالقوة
☜ رزقتك هنّي الناس يلي ع يمينك، يلي عالميلي التاني مش الك، ولا رح يسمعوك ما تبح لا صوتك ولا الزمّور، ولا رح يقطعو الطريق لسواد عيونك
☜ اذا انطفى الضو بالطابق الخامس، مش يعني الزلمي فالل من بيتو، وتحس حالك مجبور تنطره تيوصل، بالسيارة معك غير ركاب حابين يوصلو
☜ ما بحياتك تنزّل راكب ع ميلة الشمال، اذا هوّي زمط، بابك مش رح يزمط
☜ ثلاثة ورا عال، بس هول التنين قدام شو؟ شو زنبو يلي طلع بالاول قدام، والكارسة اذا حضرتك قررت تركّب سانكيام
☜ مش كل ما انت واقف وصافف سيارتكك تقول لكل واحد مارق “تكس تكس، تكس تكس...”

انا رح وقّف هون، بتمنّى انتو اعزّائي تكملو لانو التعداد ما بيخلص
ويا ايها السائق، جرّب بدل الخمسة يركب عشرة بركي بوفّي معنا الشغل، والف عافي

الو حياتي بحّلة جديدة

اعلنت الشركة الوطنية للاعلانات، ونتيجة ردائة الاعلانات الحديثة، قررت نبش مسلسل “الو حياتي” وعرضه يوميا على شاشاتها الاعلانية الموضوعة “اثنين بجانب الفوروم دو بيروت”، و “اثنين بجلّ الديب”.

فوائد هذه اللفتة:

- تمكين اعين المواطنين من الراحة والنظر الى شي اخر غير الاعلانات السخيفة والبلا طعمة.

- تسلية المواطنين على الطرقات: البثّ سيتم ما بين الثامنة والتاسعة صباحا على ان يتم اعادة بثّ الحلقة ما بين الخامسة والسادسة مساءً، ليتمكن المواطن يلي كان سايق وغافي الصبح من اعادة مشاهدة الحلقة.

- فتح سوق جديد للبياعين على الطرقات، اذ هكذا عمل سوف يخولهم بيع البوشار والمشروبات الغازية.

- تكريم عمل عظيم كـ “الو حياتي” باعادة بثّه على تلفزيون غير تلفزيون لبنان، على ان يتم عرض “الكابتين بوب” و “المعلمة والاستاذ” ويجري الحديث على امكانية عرض “اربع مجانين وبس”.

وكل ابتكار عظيم كهذا وانتو بالف خير

 

ما تنغشّ

كلنا شفنا دعايات حماية المستهلك من المنتوجات المقلّدة

وبكل عين وقحة حاطين اتصل بنا، كان لازم يزيدو بعدها عالاعلان: بعد التأكّد انو مش مدعوم، او مش محسوب ع حدا

ان عدسة شي تك تك شي تيعة قد التقطت هذه الصورة، لاحد انتهاكات “التقليد” بحد ذاته. واننا نضع هذا الاعلان “المروتش” بتصرف الجهات المعنية، واعتبرونا تلفنّا عالـ 1739

انو الشاب، سيدياتو اوريجينال، بس عم ينباعو بعلبة “برينكو” مش هيك! برينكو هيي ارخص نوع “سي دي” للنسخ

شو رايكم تروحو تلقطوا كل يلي عم بيبيعو عالطريق قبل ما تحطو اعلانكم، يعني حسستوني كانكم مش عارفين فيهم، عنتفه كنت رح انزل انا اعتقله ودقلكم. ولك بلا مهزله وحكي شي تك تك شي تيعة، ركزوا عالفعل اكتر بشويّ

ويعطيكم الف عافية

Can you please all set this picture as a profile pic to help stop these rural selling methods
Thank you.

يخليكي فوق راسنا يا ربّ

أمي يا ملاكي، يا...
بعيدك يا ماما...
ستّ الحبايب يا حبيبا...

بمختصر مفيد بدي عيّد كل الامهات بالدني، ونوّه بالتضحيات التي قامت بها لتربيتنا.

بدّي عيّد امي بالاخصّ...، بهيدا المقطع ما بعرف شو بدي اكتب، شو ما قلت رح يطلع قليل.

وبدي عيّد كل ام احترق دينها كرمال ولادها، وطلعوا الولاد ما بجيبولها غير الشتيمة.

وبدّي عيّد كل خادمة منزل من الجاليات الاجنبية، يلّي اخدي دور الام بلا ما تعرف. لانو الـ «المدام» مش فاضية من كتر الصبحيات واللتلتة والـ...

وبالنهاية بعيّد كل ام لرجل سياسي وقلّها: ما كانت ضرورية هيك خليفة

بلا ضمير

يهم وكالة الانباء الـ"شي تك تك شي تيعيّة" التوضيح

ان درجة حرارة ما بين صفر و عشرة لا تؤدّي الى توقّف خلايا الدماغ ولا النخاع الشوكي عن العمل بشكل طبيعي

ونلفت الانتباه الى ان بعض المواطنين والمسؤولين وجدوا حجّة برداءة الطقس، لتبرأة أنفسهم تجاه باقي المواطنين بالقول :"كتير في صقعة، جلّد ضميري". وكما قلنا سابقا، الضمير لا يتأثّر بدرجات الحرارة

فيا اخي العزيز، هكذا أُناس هم بالاصل بلا ضمير، وما دخّل النشرة الجوية بالموضوع، وهم بارتفاع مستمرّ من ناحية العدد. فخلّيك واعي وما تصدّق شو ما كان

لذا وجب التوضيح

حال الطرقات

الطرق الداخلية مقطوعة بسبب كثرة الجوَر
الطرق الجبلية مقطوعة بسبب الثلوج
الطرق البحرية مقطوعة بسبب الامواج
الطرق المساقبة بنزلة، مقطوعة بسبب فتح الريغارات وتفجّر المياه
باقي الطرق مقطوعة بسبب حمير السواقة (ال ب ب مع القيادة، النسكافيه والترويقة مع القيادة، الميك أب مع القيادة بالاضافة الى السيلولير، الراديو، الجريدة...)

انو هيك هيك عجقة ليش ما بنستفيد من الوقت، وتما يروح شي تك تك شي تيعة

وليهههه! ركّزو عالطريق

أمنية كل مذوق بعجقة السير

كما هي العادة في كل يوم من ايام الاسبوع السبع، عجقة السير

وبما انو السواقة اخلاق، امنية كل مذوق هو وعلقان بالعجقة: الله يبعتلنا شي "امبيلانس"-أي سيارة اسعاف، تخرق العجقة تيدحش حالو وراها ويزورب

نرجو ونطلب من هكذا اشخاص مزوقين, انقبرو بس تسمعو صوت سيارة اسعاف كبّو حالكم برات الطريق لتسهّل مرور شخص على شفير الموت وبثانية معقول يفارق الحياة.

وبس تمرق السيارة ما تلحقها، لانو ما بتعرف بأيّ لحظة معقول توقف وتجي انت القبضاي بايسها وتعرقل مسارها وتعرض حالك وحال اربع مسعفين للخطر، بالاضافة الى امكانية قتل مريض بحاجة ماسّة الى مستشفى

هيدا كلّو لأنو حضرتك مش قادر تنطر خمس دقائق زيادة بالعجقة.

نرجو من كل من سوف يقرأ هذا المقال ان يطبّقه وينشره، لأنّه يوما ما ستكون انت او احد افراد عائلتك داخل سيارة الاسعاف والحالة حرجة، والحياة على المحك، ورح يكون في مزوق داحش حالو ورا الامبيلانس، تماما متل ما انت كنت تعمل، وبلحظة ممكن يكون سبب وفات شخص، هيدا كلّو لانو مستعجل وعقلاته شي تك تك شي تيعة

الوطن مش شركة

توفيق ومنير، اثنين زملاء بيشتغلو سوا بشركة.
من يومين، وصل توفيق عالشغل وبلش يقنع منير...

توفيق: لازم نحضّر لثورة وانقلاب بالشركة
منير: ليش الانقلاب، عم نشتغل وكل شي منيح والمعاش والدوام تمام

توفيق: مش شايف كل الشعوب قامة قيامتها ونحن بعدنا قاعدين
منير: اولا يا ذكي، الوطن شي والشركة شي تاني، وثانيا فينا ندعمهم بلا ما نعمل ثورة

توفيق: كيف، الوطن مش متل الشركة
منير: الشركة بتكون لشخص معيّن او لعدد من الاشخاص، بيتوظف فيها ناس، بيشتغلو وبيقبضو معاش والربح لاصحاب الشركة.
اما الوطن فهو كرامة وحرية وبيت وعائلة ومجموعة حقوق. بالوطن اذا بطّل في كرامة وحرية بتعمل ثورة وانقلاب، بس بالشركة ما فيك تعمل ثورة، اكتر شي بتفلّ.

توفيق: اهههههههه، هلّأ فهمت ليش في ناس ما بيستوعبو الثورة الشعبية، لأنو مفكرين الوطن شركة خاصة، هم ملّاكة، والناس موظفين عندهم واذا مش عاجبهم فيهم يفلّو...
منير: برافو توفيق، رجاع ع شغلك وبلا قرارات شي تك تك شي تيعة

ونعمة السواقة

هيدا باص سرعة عادي وباص اسرع من العادي

  ودايما المواطن ورواياه بالدق

وعاشت السواقة والاخلاق العالية والضمير الحيّ

كعب البرج، برج المر، بيع هدايا تذكارية

ومتل بكل شي، البناني شاطر يشوف غيرو شو عامل ويكزّ وينسخ ويقلد الغير

وبما انو الشهر الماضي، في قمة برج خليفة - دبي، عملو هدايا تذكارية من الذهب 24 قيراط.
اجا البناني الذكي، بسّط ادام برج المرّ، وبلّش يبيع هدايا تذكارية عليها صورة البرج من التنك الخالص.

يعني يا ريت كل ذكي، بيعرف يحط طاقاتو مطرح ما لازم يحطها

السواقة اخلاق

دعاية ل "ن س س" بتجسّد حالة كل طريق واتوستراد وزاروبة عنّا

 

ايها الشعب الكريم، الطريق شي، والاوتو تومبونوز شي تاني، حلكم تفوقو بقا

 

رافقتكم السلامة

 

 

كيف بدك الليرة ترجع تحكي...اذا الالف ليرة مدعوسة

حادثة صارت معي شخصيا مبارح... كنا سهرانين متل كل هالعالم ليلة سبت بـ «نايت» تما نسمي.

عالاربعة وج الضو، نحنا وفالين وناطرين «الفالي باركينغ» يهمّا ويجيب السيارة، طلّعت ولقيت في ورقة الف ليرة عالارض والكل عم يدعس عليها.

يمكن مش شايفينها، او الاصح هوي انو شايفينها بس ما حدا الو عين يلمها (السيارات ع باب النايت: مازيراتي، لمبرغيني، فيراري عدد اتنين وفهمكن كفاية)
لمّينا هالالف، وعليناها وصرت اسال مين وقعت منو الف ليرة، يا شباب هيدي الالف لمين وما حدا جاوب (بالعكس صارو العالم يطلعو فيي وبالالف المبلولة بالمقلوب)
لحديت ما قلّي شب رفيقي، قلي ضبّها، هيدي شكلها وقعت من شبّ «الفالي باركينغ» وما الو عين يلمّها

بمختصر، مع هيك عالم شي تك تك شي تيعة كيف بدكن الليرة ترجع تحكي

ما ليش؟؟

اعزائي

صوري، اضطررنا لانو نحكي سياسة، بعد مراجعة عدد من الصفحات الالكترونية لعدد من القوى السياسية، تجسدت امامنا ال"شي تك تك شي تيعة" بحدّ ذاتها

انو شو فرقانة معو المواطن المعتّر مين غلّا البنزين، وكميات الكذب والمهزلة، المهم انو غلي البنزين و هيدا المواطن رح يدفع من جيبتو ومن تعبو ومن معاشو نتيجة صراع ما خصّه في لا من قريب ولا من بعيد

باسم هيدا المواطن يلي ما بيتعاطى سياسة، اشفقو عليه وحلوها

الاستمتاع بمشاهدة الاستشارات النيابية

اعزائي،
يفتخر المطعم اللبناني الشهير “شمّ ولا تدرق” بأن يعلن لكم ومن على منبر شي تك تك شي تيعة، بان كل تلفزيوناتو وبكل فروعه على ارض الوطن الحبيب وفي بلاد المهجر، سوف تبدأ ببث مجريات الاستشارات النيابية في تمام الساعة ١٢ والتصاريح الرنانة التي سوف تلي كل استشارة.

نرجو من كل شخص يحب المشاركة في هذا الحدث العظيم والمشوّق، التوجه مباشرة الى احد فروعنا او للحجز الرجاء الاتصال على  ١١٢ ١١٢ ٠١/٠٣/٠٤/٠٥/٠٦/٠٧/٠٨/٠٩/٧٠/٧١

نطمئن روّاد مطاعمنا انه سوف يتم تقسيم محلاتنا الى جزئين: موالاة ومعارضة. اسلاك شائكة ستوضع في الوسط بالاضافة الى اكياس رمل اذا دعت الحاجة.

ملاحظة: الاسلحة المتوسطة والثقيلة ممنوع ادخالها لديق المحل. ينصح باستبدالها بأعلام من دون العصا الخشب والمفرقعات. اذا كان في مين تشدو ظهركم في، ممكن ادخال الاسلحة الخفيفة.

كما وانو اسرة شي تك تك شي تيعة تتمنى على النواب الكرام التحلّي بالروح الرياضية التي لطالما تكلم عنها ايلي مشنتف ووليد ضمياتي

وشكرا

تاريخ انتهاء الصلاحية للرولو تواليت

في الصباح الباكر، انا وفي الحمام (سورري)، كنت عم بقرأ الجريدة، انو شو بيعمل الواحد بالحمام.

تفاجأت اذ رايت انو “الرولو تواليت” اي المحارم الورقية الخاصة بالحمام عليها تاريخ انتاج وتاريخ انتهاء الصلاحية.

بشرفكم، انو شو معقول يصرلكم اذا ستعملتو الرولو تواليت الخالصة مدته، معقول يعملكم كتام مثلا، او بركي لعيان نفس او بركي ببلش يتفكك ويتحول لغير شي...

بعتذر من كل واحد قلبت نفسو من هيك حديث ع بكرة الصبح، بس انو موضوع كان من اللازم نحكي في ولو انو شي تك تك شي تيعة

Zoughaib jewelry logo is plagiarized (copied)

While doing a small research about the "Jewelry design" logos, I discovered that Zoughaib jewelry's design logo is plagiarized (copied).

I Looked up local and international shops and brands and caught the twist in "Zoughaib" logo design: the designer added the "Diamond" symbol and came up with a clean nice logo that says Jewelry design by a small touch to the "A", and by what is called a Typographical trick.

I was actually shocked when I started looking at the international brands and found out the "THE NUMBER ONE JEWELRY LOGO" which is "Zales" (according to http://www.logodesignworks.com/blog/top-10-jewelry-logos) has the same triangle in the "A" that refers to a symbol of strength as well as to "Zales" key product: diamond jewelry.

What can we say about Zoughaib’s corporate: if his logo was already stolen, how can we trust his designs?

Let's suppose that "Zoughaib"'s logo designer was inspired by "Zales", as one of my university's teacher always backed up her students by saying that they got inspired.

Please guys, when you are about to create, make a good research to see what has already been used  and stay away from the "copy paste" issue so that your design won't be marked as Shi tik tik shi ti3a