اشاعة: معقول تشتي بكانون

وها نحن ع ابواب كوانين، وبعد ما نزل ولا نقطة ميّ
وهذا ما يأكد لنا صحّة ال"غلوبل وارمنغ" والتغيّر المناخي، ويجعل بعد الاغاني كاغنية الاخ الفنان وائل كفوري غير قابل للعمل بها.

ونتيجة لهذه الفاجعة وللكوارس الخارجة عن ارادته الشخصية، عقد الفنان وائل كفوري مؤتمرآ صحفيا شرح خلاله ما يحصل، وصرّح انّه عند اصدار اغنية "معقول تشتي باب" ما عمل حساب قديش الانسان اناني وقديش مجرم بحق الطبيعة. وطلب بسحب كل اسطواناته التي تتضمن هذه الاغنية من السوق. ووعد جميع الـ "فانز" تبعولو انّه رح يعيد انتاج الاغنية ع نفس الالحان، بكلمات جديدة ولربما بتوزيع جديد.

وقد خصّ شي تك تك شي تيعة بنسخة من كلمات الاغنية الجديدة ونحن ما بنخبّي عنكم شي اعزائنا: 

كلمات اغنية معقول تشتي:

معقول تشتي ب بكانون و تتلج عالدنيا كلها
و الغيم بلحظه جنون، يبرق ليلة بكاملها
معقول يزهر اذار، ع درب الطلعة يحطو ردار
لكن يا اللي مش معقول، بطل حبك لا و الله

بجوز يفتّح ايار زهر اللوز قمار قمار
بجوز يسقّع شباط والمي تجلّد بالجاط
لكن يللي ما بجوز عنك لحظة اتخلى

كما وان اغنية «ليل ورعد وبرد وريح» قد تم ترجمتها الى اللغتين الفرنسية والانكليزية لتتماشى اكثر مع البلدان الاوروبية واميركا وكندا

ع شويّ كان اجا جوّا

اخخخ! فرقت معي بس ع شوي!  لو كابّو قبل بنتف كان اجا 100٪ جوّا!  بسيطة اجا قريب!

هيدي كلها عبارات مواطن لبق ونظيف بياخد معو زبالتو من البيت و هوّي وطاير بسيارتو (طبعا تحت الـ 100 كلم/ساعة كرمال الردار) بجرّب يشولح / يصوّب / يقذف الكيس من الشباك صوب برميل النفايات.

هلّأ من سنتين ظبتت معك مرّة، او كل 5 او 6 مرات اذا فلقت حالها بتظبت معك. بس قل لي قديش بتاخد معك اذا صفّيت السيارة ونزلت وكنت متأكد انك رح تحطو جوّا يا مايكل جوردن عصرك انت.
 

ما بشرفكم، في زبالة حوالى البراميل اكتر من جواتها.

يا عملّك شي دورة باسكيت بول، يا تبقى هزّ طيزك ونزال من السيارة تما يضلّ المنظر العام شي تك تك شي تيعة

شكرا غوغل

ان فريق شي تك تك شي تيعة، وباسم كل المساهمين في نجاح هذا البلوغ من كتاب، مصورين، قرّاء وطققين حنك ع الانترنت، تشكر غوغل على اللفتة الجميلة و تحويل ال "لوغو" تبعهم الى علم لبنان

شكرا لمساعدتنا على الاحساس بالعيد ولو انو هو بس اسم وفعلياً شي تك تك شي تيعة

ينعاد عليكم بغير ظروف

الاستقلال!!! عن مين عم يحكو وبايّ عيد عم يحتفلو

مش رح اكتب مقال بهالمناسبة السارة الحزينة، وبهالعيد يلي هو اسم اكتر بكتير مما هو فعل

 بالوقت يلي كنتو اعزائي بدكم تقرؤو في مقال ع صفحاتنا، بتمنى منك تصلو عن نيّة كل جندي مجهول استشهد و عن نيّة كل بريء خطفته رصاصة من بين اهله ومن هالدني ع طريق هالاستقلال يلي نشالله بيوم من الايام بكون النا عين نحتفل في

ايها المسؤول، ما بدي افقسك، بس استقلال ع هالشكل هو شي تك تك شي تيعة

اعلان ما فيك تفوتو..ولا تفوتِِِيا

خدِيا، حملِيا، اشترِيا، زقِيا، فتحِيا، طبخِيا، اشرقِيا، امضغِيا، لعوسِيا، بلعِيا او زلطِيا، اهضمِيا، شـ* ِيا...
ولك كرمال المعتّر يلي عم بضيع وقتو ويحضر دعايتكم، شفقو عليه وبلا دعايات بلا طعمة

ما بعرف اذا الحق على يلي طلع بفكرة الدعاية او عليكم انتو يلي قبلتو فيا. بس عالاكيد اتنيناتكم الكم ايد بالجريمة
هلأ عِمْلت خضّة بالبلد، بس للمظبوط هيي شي تك تك، شي تيعـ     ِيا

شو ما كانت سيارتك، الزينة موجودة

وبما انو فترة العيد قربت، وبلشنا نسمع بـ بابا نويل، فحابين نبشركم ونوركم عن زينة لسياراتكم.
كل السيارات يا اخوان فيها حد المقود مسكة... ولك لأ مش المساحات تاني وحدي... واذا جعلتها لفوق بتدور زينة اليمين «ورا وقدام بدورو سوا واوقات ضو المراية كمان» ولتحت اذا بدك تدور زينة الشمال.
استعملهم زينة بفترة العيد، بركي الله بيترحم عـ هالشعب وبتتعود عليهم بقية السنة.
هلأ صحيح ما عليهم ظبوطة، بس بلاهم سواقتك شي تك تك شي تيعة

عيد مبارك

ان كتّاب ومنسقي بلوغ شي تك تك شي تيعة تتمنى للعالم ككل، ولللبنانيين خصوصا وللمسلمين بالاخصّ عيد اضحى مبارك

وانشالله بينعاد عليكم السنة الجايي باوضاع واجواء ونفسيات احسن بشوي من شي تك تك شي تيعة

وكل عام وانتم بخير