ما ليش؟؟

اعزائي

صوري، اضطررنا لانو نحكي سياسة، بعد مراجعة عدد من الصفحات الالكترونية لعدد من القوى السياسية، تجسدت امامنا ال"شي تك تك شي تيعة" بحدّ ذاتها

انو شو فرقانة معو المواطن المعتّر مين غلّا البنزين، وكميات الكذب والمهزلة، المهم انو غلي البنزين و هيدا المواطن رح يدفع من جيبتو ومن تعبو ومن معاشو نتيجة صراع ما خصّه في لا من قريب ولا من بعيد

باسم هيدا المواطن يلي ما بيتعاطى سياسة، اشفقو عليه وحلوها

الاستمتاع بمشاهدة الاستشارات النيابية

اعزائي،
يفتخر المطعم اللبناني الشهير “شمّ ولا تدرق” بأن يعلن لكم ومن على منبر شي تك تك شي تيعة، بان كل تلفزيوناتو وبكل فروعه على ارض الوطن الحبيب وفي بلاد المهجر، سوف تبدأ ببث مجريات الاستشارات النيابية في تمام الساعة ١٢ والتصاريح الرنانة التي سوف تلي كل استشارة.

نرجو من كل شخص يحب المشاركة في هذا الحدث العظيم والمشوّق، التوجه مباشرة الى احد فروعنا او للحجز الرجاء الاتصال على  ١١٢ ١١٢ ٠١/٠٣/٠٤/٠٥/٠٦/٠٧/٠٨/٠٩/٧٠/٧١

نطمئن روّاد مطاعمنا انه سوف يتم تقسيم محلاتنا الى جزئين: موالاة ومعارضة. اسلاك شائكة ستوضع في الوسط بالاضافة الى اكياس رمل اذا دعت الحاجة.

ملاحظة: الاسلحة المتوسطة والثقيلة ممنوع ادخالها لديق المحل. ينصح باستبدالها بأعلام من دون العصا الخشب والمفرقعات. اذا كان في مين تشدو ظهركم في، ممكن ادخال الاسلحة الخفيفة.

كما وانو اسرة شي تك تك شي تيعة تتمنى على النواب الكرام التحلّي بالروح الرياضية التي لطالما تكلم عنها ايلي مشنتف ووليد ضمياتي

وشكرا

تاريخ انتهاء الصلاحية للرولو تواليت

في الصباح الباكر، انا وفي الحمام (سورري)، كنت عم بقرأ الجريدة، انو شو بيعمل الواحد بالحمام.

تفاجأت اذ رايت انو “الرولو تواليت” اي المحارم الورقية الخاصة بالحمام عليها تاريخ انتاج وتاريخ انتهاء الصلاحية.

بشرفكم، انو شو معقول يصرلكم اذا ستعملتو الرولو تواليت الخالصة مدته، معقول يعملكم كتام مثلا، او بركي لعيان نفس او بركي ببلش يتفكك ويتحول لغير شي...

بعتذر من كل واحد قلبت نفسو من هيك حديث ع بكرة الصبح، بس انو موضوع كان من اللازم نحكي في ولو انو شي تك تك شي تيعة

Zoughaib jewelry logo is plagiarized (copied)

While doing a small research about the "Jewelry design" logos, I discovered that Zoughaib jewelry's design logo is plagiarized (copied).

I Looked up local and international shops and brands and caught the twist in "Zoughaib" logo design: the designer added the "Diamond" symbol and came up with a clean nice logo that says Jewelry design by a small touch to the "A", and by what is called a Typographical trick.

I was actually shocked when I started looking at the international brands and found out the "THE NUMBER ONE JEWELRY LOGO" which is "Zales" (according to http://www.logodesignworks.com/blog/top-10-jewelry-logos) has the same triangle in the "A" that refers to a symbol of strength as well as to "Zales" key product: diamond jewelry.

What can we say about Zoughaib’s corporate: if his logo was already stolen, how can we trust his designs?

Let's suppose that "Zoughaib"'s logo designer was inspired by "Zales", as one of my university's teacher always backed up her students by saying that they got inspired.

Please guys, when you are about to create, make a good research to see what has already been used  and stay away from the "copy paste" issue so that your design won't be marked as Shi tik tik shi ti3a

انت مين بترشّح

بخضمّ الوضع القائم والراهن، ونظرا للظروف التي تمرّ بها البلاد من صعوبات وفراغ، اجتمع كتّاب شي تك تك شي تيعة وبعد اتمام الاستشارات مع قرائنا الكرام، انتهينا الى تسمية حفنة من الاشخاص لمنصب رئاسة الحكومة.

كل هذه الحفنة هي من مصدر واحد، او بالاحرى يشتغلون نفس الوظيفة
ميشال حايك، مايك فغالي، ماغي فرح وسمير طنب

ليش علماء الفلك، لانّ هيك اشخاص يمكنهم ان يعرفوا ماذا سيحصل للبلد قبل ما توقع الكارثة. انو فيهم يتنبّوا، عرفتو كيف
مش بدّن مئة سنة ليعرفوا انو نحن وهنّي والبلد والأمّة كلها بوسط الكارثة وبنصّ   جورة الوحل وعم بنلبّط وانطرتش بعض بالوحل وبدنا شوي بنعمل “بونوم دو ناج” من الوحل، لدرجة جهلنا وفرحتنا بالوضع وبالجورة

خلّينا نضل مسمينا جورة وحل، اهضم من اسم جورة ... وخلينا كلنا متفاءلين بالوطن وانو وضعنا رح يتحسن ورح نبطّل شي تك تك شي تيعة

وكل استشارات وانتو بالف خير

غارات من روائح البقر والماشية

بعد استقالة الحكومة والكلّ  يتكلم عن الوضع انه على شفير الهاوية، وبلعّي النفس.
اعلنت الوكالة الوطنية التابعة لشي تك تك شي تيعة عن تسرّب رائحة كريهة للبقر والماشية من المرفأ وتحديداً منطقة الحوض الخامس و تغطيتها بيروت وضواحيها.

والوضع اصلا، بلعي النفس، فكيف مع هذه الرائحة الاكثر من مقرفة.

وافادت مصادرنا انّه تم نقل العشرات من المواطنين الابرياء، الذين تنشقوا الهواء الطلق، الى مستشقيات العاصمة، بعدما اغمي عليهم، ودخلوا حالة من الهذيان، حيث بدأوا بسبسبة كل ما له وليس له علاقة بالوضع الراهن.

وعندما استفسرنا من المسؤولين عن هذه الرائحة، كان ردّهم انها منبعثة من بقرة “بيبو”، بعدما عجز عن غسلها، لعدم معرفته اذا لازم ان يضعها مع الابيض او مع الملوّن.

ونتيجة لهذا التفسير، نرجو من المسؤولين مواجهة السبب الرئيسي للمشكلة، وكما نرجو التخفيف من استهبال المواطنين والنظر اليهم على انهم اكتر بشوي من شي تك تك شي تيعة

لعبة بنزين

اعزائي،
ها هو سعر المحروقات يرتفع مجددا و يصدم الجميع مرّة اخرى.

وبالمناسبة وكما هي العادة، لالهاء الشعب الجوعان عن المشكلة الاساسية، اطلقت وزارة الطاقة الفوتونية (اي طاقة جرندايزر) تحدّي جديد للمواطنين والتفسير هو:

يتراوح ارتفاع سعر المحروقات بين 200 ليرة و 500 ليرة في المرة الواحدة، وهذا ياتي بشكل عشوائي
فاللعبة هي ان على المواطنين تخمين اذا كان السعر سوف يضرب الـ 50.000، 50.100 او 50.200.

ارسل السعر الذي تراه يتوافق مع حدثك الى 1469 (الكلفة 10$ اضافيا على الماسيدج الواحد)
تعلن النتائج مع سحب اللوتو الذي يلي مباشرة جلسة مجلس الوزراء التي سيتقرر فيها رفع سعر التنكة اكثر من ال 50.000 ليرة لبنانية.
والرابح سوف يفّول سيارتو من محطات قاروط.

تذكير هام، اللعبة تدرو حول البنزين 95 اوكتان، مش 98. وحظا وفيرا للجميع

الوطن مش شركة

توفيق ومنير، اثنين زملاء بيشتغلو سوا بشركة.
من يومين، وصل توفيق عالشغل وبلش يقنع منير...

توفيق: لازم نحضّر لثورة وانقلاب بالشركة
منير: ليش الانقلاب، عم نشتغل وكل شي منيح والمعاش والدوام تمام

توفيق: مش شايف كل الشعوب قامة قيامتها ونحن بعدنا قاعدين
منير: اولا يا ذكي، الوطن شي والشركة شي تاني، وثانيا فينا ندعمهم بلا ما نعمل ثورة

توفيق: كيف، الوطن مش متل الشركة
منير: الشركة بتكون لشخص معيّن او لعدد من الاشخاص، بيتوظف فيها ناس، بيشتغلو وبيقبضو معاش والربح لاصحاب الشركة.
اما الوطن فهو كرامة وحرية وبيت وعائلة ومجموعة حقوق. بالوطن اذا بطّل في كرامة وحرية بتعمل ثورة وانقلاب، بس بالشركة ما فيك تعمل ثورة، اكتر شي بتفلّ.

توفيق: اهههههههه، هلّأ فهمت ليش في ناس ما بيستوعبو الثورة الشعبية، لأنو مفكرين الوطن شركة خاصة، هم ملّاكة، والناس موظفين عندهم واذا مش عاجبهم فيهم يفلّو...
منير: برافو توفيق، رجاع ع شغلك وبلا قرارات شي تك تك شي تيعة

ريتها نبعة ومتلها سبعة

بعد النعي والنحيب انو هالسنة ما اجا شتي كفاية، وبعد ما شتت الدني لدرجة صنع بحيرات على الطرقات العامة وفي الزواريب الضيّقة.

قام وزير التدشين، الاستاذ قاسم الشريطة، بافتتاح نوفيرة الجديدة-البوشرية-السد، ليل السبت 1 / الاحد 2  من شهر كانون الثاني. والقى كلمة بالمناسبة تتلخص بـ «ريتها نبعة ومتلها سبعة» (للتوضيخ مراجعة الصورة اعلاه).

كما تمنّت وزارة الاشغال والحفر من المواطنين عدم رمي «زبالتهم» على الطرقات العامة لألّا تجرها مياه الامطار وتسكر بها قنوات التصريف، وتكون كل شتوة حالتنا شي تك تك شي تيعة

ع صوص ونقطة

انشالله تكون سنة ال 2011 حاملة كل الخير تبع السنين القبل و تاركه وراها كل سوء.

انشالله تكون سنة صحّة وعافية، خير وبركة، حب وسعادة للجميع.

انشالله تكونو كلكم اعزائي يا نمتوا مطرح ما كنتوا، او سقتوا ع صوص ونقطة. وكلكم ارجعتوا ع بيوتكم سالمين

مع بداية هالسنة بتمنى تزيد مشاركتكم معنا: «كتابة مقالات وارسالها لنا»، «التعليق على مقالاتنا»، «شار للبلوغ على صفحات الفايس بوك تبعكم» وكل شي بتشوفو بقوّي الدعاية ل شي تك تك شي تيعة