مواطن يطمئن حمير السواقة

ها هو الاخ العبقري، صاحب «نقليات الحلو»، يسوّق لمهنته بطريقة زكية. «ولا يهمك الحلو بلمك».
فيا ابن البابي والمامي، يلي مش تعبان بحق سيارتك صار فيك تكسرها وراسك مطمئن انو في مين يلمّك.
سجل الرقم عندك، ويا حصرة ع يلي مساءب مارق من حدّك، رح تصير حالتو شي تك تك شي تيعا

موقف خاضع لبدل

بلبنان عموماً، والاشرفيّة خصوصاً المنطقة الخاضعة لبدل قصتها عويصة.
الارمة المحطوطة بتخبرك أنّو مجبور تدفع بين ال9 وال6، وبما انّو التنسيق ضارب طنابو، فتجي المكنة عليها أنّو الدفع من ال9 لل4.
جيت لصُفّ مبارح عل5، انت محلّي شو بتعمل... قلت يا صبي بلا هال500، حطيتها بالمكنة وطلعتلي الورقة انّو معي لليوم حتّى ال 9:30 الصبح...انطرقت...
للمرّة الجايي، ايّها المسؤول، غيّرهن مرّة واحدة، سوا...
لأنّو هيك، شي تك تك شي تيعة...

نشاالله بيتحسن

يعني صورة لوحدها بتحكي، بالونات بالزبالة كتب عليها، انشااله بتتحسن قريباً.
وضع الزبالة بدو عل القليلة هيك امنية. حاويات مليانة وكابّة لبرّا، او حاويات فارغة و حوليها مليان، يعني في عالارض اكتر من شو في جوّا. شايفلك شي سيارة، يا حرام مركونة قرب برميل زبالة، كيف بتبقى مزيّنة هيدي اذا مش قزازها مكسور بشي قنينة بيرة، قرر اخوني يعمل منيح ويكبها بالبرميل من شباك سيارتو هوّي وماشي بسرعة شي 150. أنّو شو مفكّر حالك، قدّيش عندك أمل تحطها جوّا!!!!!! اخخخ ما صبنا البرميل و يا حرام هيدا حظّو شو مأ***، صافف سيارتو حد البراميل. ع امل يكون عامل تو رسك تا ما يصلحو من جيبتو.
وعمال التنظيف المدندلين من الكميون هوّي وطاير عالطريق. او الكميون المفتوح وانت وماشي وراه بتتمتع بكلّ  منظر ولا التاني، لوحات ع حيلا، ما عدا الريحة، والبرميل كبرميل بيجي كذا شكل: مدهون، مطرطق، ع جنبو، محروق...
يعني اذا بدّي كمّل ما بعود خلّص...
اذا حدا منكن عندو شي قصّة ع هيدا النحو، بوست إت
لأنّو الحالة شي تك تك شي تيعا...

قاصفها الطيران

هيدة يمكن يلّي حكي عنّا زياد، فيات مخروطة شي 12 مرّة...
أو يمكن هيدة من مخلّفات العدوّ الغاشم...
طيّب أخدناها بمزحة، بس تنحكي جدّ، في مشكلة كبيرة وتكمن بالسيارات يلّي الله والعليم كيف بيقطعو ميكانيك.
شو زنب الانفس البريئة يلّي حظّها مأ***، وبتسائب قاطعة على نفس الطريق مع هيك مساطر.
ع أمل يتحسن الوضع...
اذا عندك شي لقطة لشي سيارة / باص / شاحنة / نمليّة / طيارة لربّما فينا نعرضها تحت زات الخانة، عجّلو و بعتولنا ياها.

shitiktikshiti3a@gmail.com
الحالة شي تك تك شي تيعا...

نشر حريم

BEKO Byenchour 7arim

ألّو سامع بحريمك... سامع عالقليلة مرّة، واحد عم ينشر حريم واحد تاني. هيدة بتفرجيك كيف مع كلّ غسّالة ونشّافة فيك تنشر حريم، ع مدّة تلات سنين والخبريّة مكفولة. مش غلط تعليم الثقافة العامّة. طريقة حلوة.

شي تك تك شي تيعا